Akipita, akipunga
Upepo kamwona Bahari
Samawati, alipendeza
Naye Bahari
‘kampenda Upepo kwa uzuri alioleta
Furaha ilimjaa na
kumsukuma upwani
Sabalkheri. Naomba ukae nami, Mpendwa
Uwe Malkia wangu
Ilhali Upepo
alikuwa mwenye mwendo mara yote
Upepo alimzunguka
Bahari, akambusu, akanena:
Meli yaelea juu yako,
dau yatabaradi juu yako
Hio hali yao, wewe
husongi!
Nikiondoka, samaki
wataendapi? Bahari akauliza kwa mshangao mkuu!
Naye Upepo akamjibu: Nikitua,
ulimwengu utasongaje?
Laazizi, ulinipendea
mie uzuri wangu,
ndio mimi huyu, hamna
namna ingine…
